धर्म संवाद / डेस्क : हरिद्रा गणेश कवचम् (Haridra Ganesha Kavacham) भगवान गणेश के हरिद्रा (हल्दी स्वरूप) रूप की स्तुति और रक्षा प्रदान करने वाला एक शक्तिशाली कवच माना जाता है। इसकी साधना विशेष रूप से विघ्न निवारण, धन-समृद्धि, कार्य सिद्धि और शत्रु बाधा से रक्षा के लिए की जाती है।
॥ अथ हरिद्रा गणेश कवच ॥
ईश्वरउवाच:
शृणु वक्ष्यामि कवचं सर्वसिद्धिकरं प्रिये ।
पठित्वा पाठयित्वा च मुच्यते सर्व संकटात् ॥१॥
अज्ञात्वा कवचं देवि गणेशस्य मनुं जपेत् ।
सिद्धिर्नजायते तस्य कल्पकोटिशतैरपि ॥ २॥
ॐ आमोदश्च शिरः पातु प्रमोदश्च शिखोपरि ।
सम्मोदो भ्रूयुगे पातु भ्रूमध्ये च गणाधिपः ॥ ३॥
गणाक्रीडो नेत्रयुगं नासायां गणनायकः ।
गणक्रीडान्वितः पातु वदने सर्वसिद्धये ॥ ४॥
यह भी पढ़े : शिव पंचाक्षर स्तोत्र मंत्र: जानें इसकी विधि और पाठ करने के लाभ
जिह्वायां सुमुखः पातु ग्रीवायां दुर्मुखः सदा ।
विघ्नेशो हृदये पातु विघ्ननाथश्च वक्षसि ॥ ५॥
गणानां नायकः पातु बाहुयुग्मं सदा मम ।
विघ्नकर्ता च ह्युदरे विघ्नहर्ता च लिङ्गके ॥ ६॥
गजवक्त्रः कटीदेशे एकदन्तो नितम्बके ।
लम्बोदरः सदा पातु गुह्यदेशे ममारुणः ॥ ७॥
व्यालयज्ञोपवीती मां पातु पादयुगे सदा ।
जापकः सर्वदा पातु जानुजङ्घे गणाधिपः ॥ ८॥
हारिद्रः सर्वदा पातु सर्वाङ्गे गणनायकः ।
य इदं प्रपठेन्नित्यं गणेशस्य महेश्वरि ॥ ९॥
कवचं सर्वसिद्धाख्यं सर्वविघ्नविनाशनम् ।
सर्वसिद्धिकरं साक्षात्सर्वपापविमोचनम् ॥ १०॥
सर्वसम्पत्प्रदं साक्षात्सर्वदुःखविमोक्षणम् ।
सर्वापत्तिप्रशमनं सर्वशत्रुक्षयङ्करम् ॥ ११॥
ग्रहपीडा ज्वरा रोगा ये चान्ये गुह्यकादयः ।
पठनाद्धारणादेव नाशमायन्ति तत्क्षणात् ॥ १२॥
धनधान्यकरं देवि कवचं सुरपूजितम् ।
समं नास्ति महेशानि त्रैलोक्ये कवचस्य च ॥ १३॥
हारिद्रस्य महादेवि विघ्नराजस्य भूतले ।
किमन्यैरसदालापैर्यत्रायुर्व्ययतामियात् ॥ १४॥
॥ इति विश्वसारतन्त्रे हरिद्रागणेशकवचं सम्पूर्णम् ॥
कवच पाठ के लाभ
- कार्यों में आने वाली बाधाएं दूर होती हैं।
- धन, वैभव और समृद्धि की प्राप्ति होती है।
- शत्रु एवं नकारात्मक शक्तियों से रक्षा होती है।
- व्यापार और नौकरी में सफलता मिलती है।
- गणेश कृपा से मनोकामनाएं पूर्ण होती हैं।
विशेष: हरिद्रा गणेश की पूजा में हल्दी की माला, पीले वस्त्र और हल्दी से बने गणेश स्वरूप का विशेष महत्व माना जाता है। बुधवार या चतुर्थी तिथि पर इस कवच का पाठ अत्यंत शुभ माना जाता है।
